個momentum跌，個page都跟住跌入懶得經營嘅泥沼，所謂齊上齊落，大概就係咁嘅意思喇。呢套係一套其實好有意思但收視唔太好嘅舊劇，同今年套真係撻Q嘅《默默奉獻的灰姑娘》唔同，睇完review再睇可能會覺得更好睇，想煲劇嘅開呢套試試喇。
———
此之所以，喜劇存在：《天國餐館》
人類再努力生存，都無法避過聚散有時嘅事實，所以每當真正面對物事嘅離別同失去，領受大自然嘅無情打擊，總係難免忘記適應之道，因無法理解「點解偏偏係我」而陷入痛苦深淵，甚至一蹶不振。《天國餐館》一劇，以一間名為世界盡頭（法文名稱：Loin D'ici）嘅法式料理餐館為故事背景，以老侍應伊賀觀之視角回憶一眾員工喺餐館經歷過嘅高低潮，幽默詼諧咁呈現出日本文化一大核心元素——物哀，進而討論善變同順應嘅分別，將艱深難解嘅人生道理處理得平易近人，可謂胡鬧而不失深意。
劇中由石原聰美飾演嘅老闆，性情難以捉摸，每日都喺餐館但永遠唔落場幫手，係「空」嘅人格化，似幻似虛，如同神明喺人間嘅化身。表面上，佢作風古怪，我行我素，經常語出驚人，有時直頭係令成間餐館雞飛狗跳嘅始作俑者，但實際上佢亦同時不停接收同代表一眾員工嘅集體意志，話係餐館上下解決困難嘅驅動者都當之無愧。老闆打本開餐館，自然係餐館得以出現嘅原因，但除此以外，呢個老闆係甚少干涉餐館日常運作，亦唔重視營業額多寡，角色設定如同日本動漫中常見嘅神明：喺人類有需要嘅時候，神明會突然現身，而等到問題解決咗，佢又會喺享受完人類回饋嘅美食或禮物之後回復神隱，將世界交畀人類繼續打理。
睇埋落去：https://bit.ly/3fnxYct
Search